სკოლა-ლიცეუმი პრომეთე - კონფერენცია - "ინოვაციური სწავლება და საუკეთესო პედაგოგიური პრაქტიკის გაზიარება" -მასწავლებლები მასწავლებლებისთვის

 მასწავლებლები მასწავლებლებისათვის

💡 💡 მიმდინარე სასწავლო წლის 28 ოქტომბერს   სკოლა - ლიცეუმი პრომეთე ში  ჩატარდა  მასწავლებელთა კონფერენცია, "ინოვაციური სწავლება და საუკეთესო პედაგოგიური პრაქტიკის გაზიარება"

🔷️წელს, კონფერენციამ უფრო დიდი მაშტაბები მიიღო და გასცდა ჩვენი სკოლის ფარგლებს, რისთვისაც მადლობას ვუხდით :

📌 📌 საზოგადოებრივ მეცნიერებათა კათედრას და  მასწავლებლის ეროვნული ჯილდოს 2019 წლის ფინალისტ პედაგოგს, საქართველოს დამსახურებულ მასწავლებელს, ქეთინო მერებაშვილს კონფერენციის ორგანიზებისა და ხელმძღვანელობისათვის.

✅ ️✅ ️მასწავლებელთა კონფერენცია  მასწავლებლის ეროვნული ჯილდოს ათეულთა კლუბის წევრების და სკოლა“პრომეთეს“ პედაგოგების თანამონაწილეობით შედგა.  სტუმრად მოწვეულნი იყვნენ საქართველოს სხვადასხვა სკოლების პედაგოგები, ასევე, 

ქ-ნი ირინა ხანთაძე - განათლების კოალიციის გამგეობის თავმჯდომარე და ქ-ნი თამუნა გურგენიძე - განათლების კოალიციის ორგანიზაციული განვითარებისა და კომუნიკაციის მენეჯერი.

✔️ ✔️ კონფერენციაზე  გამომსვლელებმა ერთმანეთს გავუზიარეთ საკუთარი საუკეთესო პედაგოგიური პრაქტიკის მაგალითები, ინოვაციური მიდგომები და სამომავლოდ  ურთიერთთანამშრომლობის გაგრძელების გეგმები დავსახეთ.

📚 🎙 სკოლის დირექციამ გამომსვლელები სერტიფიკატებითა და სიმბოლური საჩუქრებით დაგვაჯილდოვა. კონფერენციის საქმიანი ნაწილი მეგობრული სადილითა და  საოცარი ანსამბლის“გორდელას“ წევრების სიმღერებით დასრულდა. 

🙏 🙏 მადლობა ყველა მონაწილეს, ყველა მსმენელს, მოწვეულ სტუმრებს და განსაკუთრებული მადლობა საზოგადოებრივ მეცნიერებათა კათედრას და ქეთინო მასწავლებელს Qetino Merebashvili -ს.

თელავის N5 საჯარო სკოლის პედაგოგმა – ზეინაბ კაკალაშვილმა და მე-9 კლასის მოსწავლეებმა საერთაშორისო კონფერენციაში მიიღო მონაწილეობა

 

მოქალაქეობისა და მე და საზოგადოების პედაგოგი - ზეინაბ კაკალაშვილი და მე-9 კი მოსწავლეები საერთაშორისო კონფერენციაში „მომავალი თაობა მდგრადი განვითარების მონაწილეობდნენ.

19.10.2024

კონფერენციები არა მხოლოდ ცოდნის გაზიარების საშუალებაა, არამედ ახალგაზრდა პროფესიონალებისთვის და მოსწავლეებისთვის შესაძლებლობაა, დაუკავშირდნენ მსოფლიო ლიდერებს, აღმოაჩინონ ახალი პერსპექტივები და განივითარონ საჭირო უნარები, რაც დაეხმარებათ კარიერის განვითარებაში და პიროვნული ზრდის პროცესში.

ახალგაზრდების ჩართულობა ამგვარ კონფერენციებში მათ აძლევს შესაძლებლობას, თავიანთი მოსაზრებები გააცნონ საერთაშორისო საზოგადოებას, რაც ზრდის მათ თვითრწმენას და აძლიერებს მათი აზრების გავლენას გლობალურ მასშტაბებზე. ეს არა მხოლოდ პროფესიული განვითარების საშუალებაა, არამედ ფუნდამენტური პლატფორმაა, რომელიც ხელს უწყობს ახალი იდეების გაღვივებას და გლობალური ცვლილებების შექმნაში წვლილის შეტანას. მოსწავლეებს  შეუძლიათ გაიუმჯობესონ კომუნიკაციის, საჯარო გამოსვლებისა და კრიტიკული აზროვნების უნარები დისკუსიებში მონაწილეობითა და თავიანთი იდეების წარდგენით.

კონფერენცია საქართველოს მასწავლებელთა საზოგადოების გუნდის ორგანიზებით განხორციელდა.

კონფერენციაში მონაწილეობას იღებდნენ აფხაზი, თურქი, აზერბაიჯანელი, ინდოელი, ხორვატი და სხვა ქართველი თანატოლები.

Teachers Community Georgia არის ადგილი, სადაც საგანმანათლებლო საზოგადოების წარმომადგენლები მზად არიან გამოცდილების გასაზიარებლად, შთააგონებენ ერთმანეთს ახალი იდეებით და იღწვიან ხარისხიანი განათლების დანერგვისთვის“.

https://www.etaloni.ge/geo/main/index/109982?fbclid=IwY2xjawGLA_RleHRuA2FlbQIxMQABHcyBDAvaeyDMfIx7_cecyXtCV02TzkdqAkbpjSVDdBjuMOXaPLavf9RhhQ_aem_winpEWTlrL5jQ1RVRCbFpA

ტექნიკის კონკურსში მიღწეული წარმატებისთვის კომპიუტერული ტექნიკით დაჯილდოვება

თელავის N5 საჯარო სკოლის მოსწავლეები და პედაგოგები სხვადასხვა პროექტში აქტიურად ერთვებიან, სადაც წარმატებას აღწევენ.

ამჯერად, სამოქალაქო განათლების პროგრამის ფარგლებში, საქართველოს მასშტაბით ჩატარებულ ტექნიკის კონკურსში გამოვლენილ 44 ლიდერ სკოლას შორის თელავის N5 სკოლაც აღმოჩნდა.

კონკურსის ფარგლებში, სკოლას საჩუქრად ფერადი პრინტერი, პორტაბელური კომპიუტერი და პროექტორი გადაეცა.

სკოლის დირექცია მადლობას უხდის მოქალაქეობისა და სამოქალაქო განათლების მასწავლებელს - ზეინაბ კაკალაშვილს ამ გამარჯვებაში შეტანილი წვლილისათვის.

„ასევე უდიდესი მადლობა სამოქალაქო განათლების პროგრამის ხელმძღვანელს ქალბატონ მარინე უშვერიძეს და თითოეულ თანამშრომელს მოსწავლეთა წახალისების, ჩვენი მხარდაჭერის, სკოლებისა და მოსწავლეების გაძლიერებისთვის“, - აღნიშნავენ სკოლაში.

თელავის N5 საჯარო სკოლა კონკურსში მიღწეული წარმატებისთვის კომპიუტერული ტექნიკით დაჯილდოვდა 

 

V საერთაშორისო სამეცნიერო კონფერენცია "განათლება, კვლევა, პრაქტიკა"

 2024 წლის 27-28 სექტემბერს თელავის იაკობ გოგებაშვილის სახელმწიფო უნივერსიტეტში გაიმართა V საერთაშორისო სამეცნიერო კონფერენცია  "განათლება, კვლევა, პრაქტიკა" , სადაც წარმოვადგინე მოხსენება თემაზე - "ოჯახი და ზოგადსაგანმანათლებლო დაწესებულება". 

ქეისებით და დილემებით სწავლება

 პროექტი : ,,მედიაწიგნიერება დეზინფორმაციის წინააღმდეგ " ქეისებით და დილემებით სწავლება- პროექტის ფარგლებში განხორციელებულ კონკურსით შერჩეულ მასწავლების სიაში ვარ. მონაწილეობა მივიღე ქეისების და დილემების შექმნაში. დიდი მადლობა სამოქალაქო განათლების პედაგოგთა ფურუმის გუნდის წევრებსა და ხელმძღვანელ მაკა ბიბილეიშვილს საუკეთესო შესაძლებლობისათვის. პროექტს ახორციელებს სამოქალაქო განათლების პედაგოგთა ფორუმი საქართველოში ფინეთის საელჩოს ფინანსური მხარდაჭერით.

დაიბეჭდა სახელმძღვანელო, სადაც შესულია ჩემს მიერ შექმნილი რესურსი.

USAID ის სამოქალაქო განათლები პროგრამის ფარგლებში პროფესიული გაზიარების ჯგუფის შეხვედრა

 USAID სამოქალაქო განათლების პროგრამა / USAID Civic Education Programის ფარგლებში სამოქალაქო განათლების პედაგოგთა ფორუმის ორგანიზებით პროფესიული გაზიარების ჯგუფის შეხვედრა გაიმართა კახეთში 2024 წლის 13 აპრილს „ USAID სამოქალაქო განათლების პროგრამის“ პარტნიორი სკოლებისთვის სამოქალაქო განათლების პედაგოგებისთვის. პროფესიული გაზიარების ჯგუფის შეხვედრას ფასილიტაციას უწევდა კახეთის რეგიონის სამოქალაქო განათლების პედაგოგთა ფორუმის საბჭოს თავმჯდომარე ზეინაბ კაკალაშვილი და მოწვეული ექსპერტი მანანა ჯინჭარაძე. პროფესიული გაზიარების ჯგუფის შეხვედრა ემსახურება მასწავლებელთა პროფესილულ განვითარებას და გაძლერებას. მეთოდი ინოვაციური და საინტერესოა. შეხვედრა წარიმართა მასწავლებელთა მაღალი ჩართულობით . ,, პროფესიული გაზიარების ჯგუფის" შეხვედრა სსიპ ქალაქ საგარეჯოს N4 საჯარო სკოლაში გაიმართა. შეხვედრას „ USAID სამოქალაქო განათლების პროგრამის“ პარტნიორი სკოლის 16 პედაგოგი დაესწრო. „USAID სამოქალაქო განათლების პროგრამა ხორციელდება PH International-ის მიერ, სამოქალაქო განათლების პედაგოგთა ფორუმთან თანამშრომლობით, აშშ საერთაშორისო განვითარების სააგენტოს (USAID) ფინანსური მხარდაჭერით. დიდი მადლობა ექსპერტს ქალბატონ მანანა ჯინჭარაძეს საუკეთესო უკუკავშირისთვის, საგარეჯოს N4 საჯარო სკოლის დირექტორ ქალბატონ ნელი ბალახაშვილს დათმობილი ფართისა და გულთბილი შეხვედრისთვის.